summer

summer na dito sa atin... at sobrang init!!! ang sarap magtampisaw sa mga beach or swimming pool. pero ano nga bang aasahan natin kung pupunta tayo ngayon sa mga resort? malamang ay punung puno ito ng mga tao.

dito masarap magpunta... walang katao tao. dito kami nag-camp nung isang beses na nanggaling kami sa pico de loro at nag-traverse sa nasugbu batangas. walang may-ari (yata) at pwede pa kayong mag-overnight dito. libre na ang resort nyo, ang babayaran nyo na lang ay pamasahe sa bangkang maghahatid at susundo sa inyo kinabukasan. that time, 50 pesos one way ang bayad namin. may libre pang isang baldeng tubig para sa pangluto at panghugas namin.

limatik

ito ang limatik,nag-aabang sa lupa, putik, bato, dahon at sanga ng mga puno at kung saan saan pa... kamag-anak po ito ng mga linta. isa sa pinakaayaw makasalamuha ng mga pinoy moutaineers. bagama't di naman ito nakamamatay, nakakainis lang pag nakapitan ka at nakasipsip ng dugo sa'yo. hindi titigil sa pagdurugo habang nililinis mo, kaya maglalakad kang duguan.

sa aming grupo, iba't ibang reaction na ang nakita namin pagdating dito sa limatik. may mga napapasigaw ng " eeeee, LIMATIK!!! tanggalin nyo!" meron namang "aayyyyyy, limatik!!!" paulit ulit lang nyang isisigaw ito habang natatarantang kinukuha ang alcohol nya at wisikan ito.
opo, effective na pang-alis ng limatik ang alcohol, i-spray nyo lang dito at siguradong tiklop ang loko. kung medyo sosi kayo ng konti, pwede rin ang off spray. pwede rin naman ang off lotion at vicks, yun nga lang nawawala ito pag pinagpawisan ka na. kaya da best pa rin ang mga spray.

makikita lang ito sa mga rainforest or mossy forest tulad ng halcon at makiling. meron dito sa tarak, napulauan at natib.

reflection

picture 1

picture 2

kuha ito sa luob ng crater ng taal volcano. imagine, may island(yung nasa picture) sa luob ng crater(taal volcano), sa luob ng island(yung taal volcano island) sa luob ng crater (taal lake, sabi kasi nila the lake itself use to be the crater. sabi nila ha...). ang gulo 'no? an island in a crater in an island in a crater in an island (island of luzon).

isa dito ay binaligtad ko lang, ano sa tingin nyo ang original picture? 1 or 2?

UPLB Forestry

last weekend, umakyat kami ng mt. makiling para sa training climb ng batch2 ng ADTREK. medyo meron yatang may balat sa kanila kaya lagi na lang umuulan tuwing kasama ko sila. ganun pa man ay naging masaya pa rin ang lahat, kahit papaano. kaya ayun, tinamad akong ilabas ang camera ko kaya wala akong bagong picture galing sa lugar na ito.

kuha ito sa may UPLB forestry nung 1st climb ko dito last october, 2004. mahaba, mabato ngunit malilim ang kalsadang ito patungo sa jump-off point.

sunset as seen on mt. halcon's summit

hindi ako mahilig mag-picture ng sunset or sunrise, pero sinubukan ko na rin nung nasa summit kami ng mt. halcon. ilang shots din ang ginawa ko bago ako nakapili ng medyo ok na para sa akin. nawa'y magustuhan nyo rin...

mt. halcon

matapos ang kasawian ng aming grupo na marating ang summit ng mt. halcon nung nagdaang taon, nagpasya kaming subukang muli. kaya nga nuong march 9-13, 13 members ng adtrek ang nagpunta sa baco, oriental mindoro.

ligtas at masaya naming narating ang aming pakay, mt. halcon's summit! para sa karamihan ang goal nila ay marating yun, kahit anung oras pa dumating sa campsite. pero para sa akin, gusto kong marating ang summit bago mag sunset. nung unang punta ko kasi ay mag-9pm na ako nakarating. at di naman kami nabigo, dahil nagawa naming makarating dun bago mag-5pm. mas masarap ang pakiramdam ko nung oras na yun, una dahil nagawa kong marating yun bago mag sunset. pangalawa, ay napakaganda ng panahon.

ngayon, nais kong ibahagi ang ilang tanawing aming napagmasdan. ipagpaumanhin po nyo kung di ganun kaganda ang mga pictures. click the picture to view original size...

click here for more pictures...

above the clouds

sa 9 years kong pamumundok, ito ang pinaka paborito kong picture. kuha ito nuong november 1, 2002 sa summit ng mt. halcon. ito rin ang pinaka mahirap na naakyat ko at muntik ng sukuan. pero lahat ng pagod at hirap ay sulit ng marating ang summit!

nuong nakaraang october ay umakyat ang ADTREK dito, ngunit subalit datapuwa't di kami nakarating sa summit dahil sa sama ng panahon at ilang di maiiwasang pangyayari. nanghinayang ang lahat sa preparation na ginawa ng bawat isa para dito. nangako ang lahat na babalik kaming muli, ang isa nga ay di raw magpapagupit hanggang di namin maakyat ang summit. click here to know more...

tunay na mailap ang halcon sa karamihan, marami na ring grupo ang umakyat dito ngunit di pinalad na marating ang tuktok.

sino naman ang di magnanais makabalik dito? kuha pa rin ito sa summit at kitang kita naman na mas mataas pa kami sa ulap ng panahong iyon.

muli naming susubukan na akyatin ito upang sa gayon ay maranasan at masaksihan ng iba naming ka-grupo ang ganda ng kalikasan na likha ng nasa itaas.

niagara falls

ito ang niagara falls at una kong nakita ito sa superman movie. sinong mag-aakalang makikita at mararating ko pala ito. kuha ito nung may 2001 pa, nagkaroon kami ng long weekend kaya namasyal kami dito. kuha ang larawang ito mula sa observation tower.

niagara falls

dalawang falls ang bumubuo dito, ang horseshoe falls ng ontario, canada, yung nasa dulong bahagi ng picture. at ang ikalawa ay ang american falls ng new york, usa.

american falls

kuha ito sa ibaba ng american falls, sa cave of the winds.