agaw liwanag

nung nakaraang weekend, ginanap ang unang training climb ng mga nagnanais maging kasapi ng ADTREK. hindi ko na nagawang samahan sila paakyat dito nung sabado, sa kadahilanang may nagkamaling kumuha sa akin bilang abay, heheheh. nagmukhang tao daw ako at hindi halatang taong bundok, nyahahahah. matapos ang reception ay dun kami nagsimulang bumiyahe patungong pico, mag 8pm na ko nakaalis ng alabang at pasado alas-diyes ng gabi dumating sa jump-off. dumating kami ng campsite ganap na ika-11 ng gabi.

mula sa campsite ay umalis ang grupo pasado 430 ng umaga patungong summit/beak. nagawa naming abutan ni nicol ang sunrise sa silangan pagdating sa beak habang ang iba ay nag-iipon ipon pa sa summit.

ito naman ang tanawin sa kanluran. ang buwan ay unti unting nagpapaalam habang ang haring araw ay parating. inabot din kami ng mahigit isang oras bago naiakyat lahat ng trainees at ilang members sa beak ng pico. lahat naman ay nag-enjoy at ligtas na nakauwi.

di ko na rin maalala kung ano sa dalawang larawan ang una kong kinuhanan. one thing for sure, less than a minute lang po ang pagitan.

ang mga larawan po ay kuha mula dito....